Deputeti demokrat Luçiano Boçi ka zbuluar dy emrat që plotësojnë kriteret e vendosura nga Grupi i Rithemelimit të PD-së për Presidnetin e ri të vendit.
Ai tha në Abc se emrat që plotësojnë kriteret janë Dritan Demiraj dhe Neritan Ceka, teksa u shpreh se Presidenti i ri duhet të jetë një person publik por jo shumë politik.
Pjesë nga biseda:
Xhafo: Cila do të ishte figura e Presidentit që mund të kënaqte Rithemelimin, mund të na bëni një identikit?
Boçi: Identikiti është qenia e një figure publike jo shumë politike që ka shfaqur forcë karakteri në angazhimet publike dhe që ka integritet të plotë profesional, pse jo dhe intelektual. Të jetë një figurë e njohur në publik.
Xhafo: Kush do të ishte?
Boçi: Do të ishte një personalitet si Dritan Demiraj i propozuar nga Vatra, mund të ishte dhe Neritan Ceka.