Gjykata e Dibrës ka caktuar masën e sigurisë “arrest me burg” për Alfred Debreshin, i cili akuzohet për vendosjen e tritolit në makinën e vëllait të tij minator dhe njëherazi ish-kandidat për deputet, Elton Debreshi.
29-vjeçari Debreshi u arrestua tre ditë më parë, pasi akuzohet për veprat penale “Shkatërrimi i pronës me eksploziv”; “Mbajtja pa leje e lëndëve plasëse” dhe deklarim i rremë para oficerit të policisë gjyqësore”.
Alfred Debreshi i vuri tritol makinës tip ”Benz” të vëllait të tij, ndërsa ishte e parkuar para shtëpisë së minatorit.
Më parë newsbomb.al raportoi nga burime te sigurta se organi i akuzës dhe Policia kanë dyshime të forta se dy vëllezërit Debreshi mund të kenë planifikuar bashkë skemën e vendosjes së tritolit në Mercedesin në pronësi të Elton Debreshit, që të dukej si një sulm për qëllime dashakeqe, meqë ky shtetas kandidoi si i pavarur në zgjedhje dhe u gjobit nga Policia me 50 milionë lekë.