Një aksident me vdekje ndodhi sot në qyetetin e Burrelit, ku për pasojë një këmbësor ka humbur jetën pasi u përplas nga një automjet.
Viktimë e aksidentit ka mbetur 55-vjeçari Haqif Ruka i cili ndërroi jetë në spitalin e Burrelit. Ai u dërgua me urgjencë, por nuk mundi të mbijetojë. Haqif Ruka “Rukja i Burrelit” mësohet se ishte një endacak shumë i njohur në qytet, dhe të gjithë e kishin përzemër dhe e ndihmonin sa herë mundeshin.
Ruka ishte duke kaluar rrugën nga njëra anë në tjetrën kur automjeti e goditi pasi ka qenë me shpejtësi të lartë dhe më pas u largua menjëherë nga vendi i ngjarjes. Autoritetet po punojnë për zbardhjen e plotë të aksidentit dhe cili ka qenë shoferi i mjetit.