Hapësire reklamuese

Aktualitet

I shpallur në kërkim nga Italia për trafikim dorge, arrestohet 27-vjeçari në Vlorë

Shkruar nga Newsbomb
I shpallur në kërkim nga Italia për trafikim dorge, arrestohet

Një 27-vjeçar i shpallur në kërkim ndërkombëtar nga Italia, ka rënë në prangat e policisë së Vlorës.

Bëhet me dije se në pranga ka rënë shtetasi B. R. alias B. M., 27 vjeç. Gjykata e Firences i ka caktuar këtij shtetasi, masën e sigurisë “Arrest në burg”, për veprën penale “Pjesëmarrje në grup kriminal me qëllim trafikimin e narkotikëve”, sipas parashikimeve të Kodit Penal të Italisë.

Njoftimi i policisë së Vlorës:

Vijon me intensitet zbatimi i masave të përcaktuara në planin operacional mbarëkombëtar "Sundimi i ligjit".

Finalizohet operacioni policor i koduar “Purpose”, për kapjen e një shtetasi të shpallur në kërkim ndërkombëtar.

l shpallur në kërkim për pjesëmarrje në një organizatë kriminale për trafikim të lëndëve narkotike, kapet në Vlorë dhe arrestohet me qëllim ekstradimin, 27-vjeçari.

Specialistët e Seksionit për Hetimin e Narkotikëve, në vijim të operacioneve policore për kapjen e shtetasve të shpallur në kërkim, të cilat zhvillohen në kuadër të megaoperacionit “Sundimi i ligjit”, si dhe si rezultat i shkëmbimit të vazhdueshëm të informacioneve ndërmjet Interpol Tiranës dhe Interpol Romës, organizuan dhe finalizuan operacionin policor të koduar “Purpose”.

Gjatë operacionit, u kap në lagjen “10 Korriku” dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar:

B.R. alias B. M., 27 vjeç.

Gjykata e Firences i ka caktuar këtij shtetasi, masën e sigurisë “Arrest në burg”, për veprën penale “Pjesëmarrje në grup kriminal me qëllim trafikimin e narkotikëve”, sipas parashikimeve të Kodit Penal të Italisë.

Interpol Tirana dhe Interpol Roma po bashkëpunojnë për të kryer ekstradimin e këtij shtetasi.

Sondazh

Poll

Lexo gjithashtu

Hapësire reklamuese