Një 21-vjeçar shqiptar që jetonte në Casaluce, Itali u arrestua nga Policia e Caserta, pasi hapi zjarr ndaj patrullës së policisë.
Ngjarja u shënua mbrëmjen e së mërkurës, ku 21-vjeçari, emri i të cilit nuk bëhet i ditur nisi të qëllonte mbi forcat e policisë.
Gjithçka nisi pasi 21-vjeçari së bashku me një tjetër shtetas shqiptarë kryen një grabitje tek një shtëpi.
Oficerët e policisë filluan hetime të shpejta dhe arritën të gjenin makinën e raportuar në komunën e Casaluce.
Të dy personat në bord, duke vërejtur patrullën e policisë, u larguan me shpejtësi, me forcat e policisë që nisën ndjekjen.
Me të mbërritur në komunën e Teverola, nisën të shtëna nga ana e shqiptarëve drejt makinës së policisë, e cila iu kundërpërgjigj.
Për fatin e mirë nuk kishte viktima, ndërkohë që mbi shqiptarët rëndojnë akuza të shumta, si vjedhje, kundërshtim i forcave të policisë dhe hapje zjarrë ndaj tyre.