Tonelatet e mbeturinave e kanë kthyer një ndër lumenjt më të njohur me ngjyrën e tij smerald dhe peizazhin e jashtëzakonshëm në një vendgrumbullim mbeturinash lundrues.
BBC ka bërë një reportazh që lidhet me Lumin Drina që nga pamjet me dron tregon mbeturinat që kanë mbushur lumin piktoresk të Ballkanit. Mbetjet nga depot buzë lumit Drina në Vishegrad në Bosnje-Hercegovinën lindore të keqmenaxhuara, kanë bërë që një qilim i madh me mbeturina të shtrihet në të gjithë gjerësinë e ujit.
Ekspertët thonë se së bashku me mbetjet e përgjithshme plastike, në ujë notojnë edhe sendet shtëpiake, përfshirë frigoriferët.
Është një problem për lumin, i cili kalon përgjatë një pjese të kufirit midis Serbisë dhe Bosnjë-Hercegovinës, për 20 vjet.
Presidenti i organizatës së mjedisit dhe konservimit, Dejan Furtula, tha: "Ky është një burim turpi i madh për të gjithë ne, pasi ne duket se nuk jemi në gjendje ta zgjidhim këtë çështje për një periudhë kaq të gjatë."
Kjo nuk është hera e parë që zona mbushet me plehra, me të njëjtën situatë të ndodhur në vitin 2021, duke rrezikuar ekosistemin vendas dhe shëndetin e njerëzve.
Lumi Drina – i cili ka një ngjyrë të gjelbër intensive për shkak të terrenit gëlqeror, kalon 346 km nga malet e Malit të Zi veriperëndimor përmes Serbisë dhe Bosnjës.
Rreth 10,000 metra kub mbeturina vlerësohet të jenë mbledhur pas barrierës ditët e fundit. E njëjta sasi është tërhequr vitet e fundit nga ajo zonë e lumit.
Heqja e mbetjeve mund të zgjasë deri në gjashtë muaj dhe do të përfundojë në vendgrumbullim.
Sondazh
Lexo gjithashtu
