Detaje të reja kanë dalë në lidhje me plagosjen me thikë të 40 vjeçarit, Eder Dorzi, tre ditë më parë në një lokal në Tiranë. Dy autorët e plagosjes së tij kanë hyrë në lokal dhe janë ulur në tavolinën e Dorzit, i cili ndodhej në shoqërinë e një miku të tij.
Mësohet se personat në fjalë i kanë kërkuar shokut të 40-vjeçarit që të blinte një paketë cigareje dhe pas atij momenti kanë nisur të sulmojnë me thikë, duke e lënë të plagosur. Personat që e sulmuan janë larguar menjëherë nga lokali, ndërkohë Dorzi ka dalë nga lokali i gjakosur dhe ka kërkuar ndihmë.
Kanë qenë kalimtarët e rastit ata që njoftuan ambulancën dhe Policinë për ngjarjen. Ndërkohë, në spital ai ka dëshuar para një oficeri policie, ku ka treguar ngjarjen dhe edhe identitetin e personave që e sulmuan me thikë. Policia ka sekuestruar kamerat e sigurisë së lokalit ku ndodhi sulmi.