Një i moshuar ka humbur jetën mesditën e sotme në Berat si pasojë e një aksidenti rrugor. Ai ka qenë duke lëvizur në qytet me biçikletë kur është marrë përpara nga një mjet fuoristradë, e për pasojë ka ndërruar jetë në spital.
Është dashur ndërhyrja e forcave zjarrfikëse për të nxjerrë të moshuarin nga poshtë makinës, ku përfundoi pas përplasjes së rëndë. I plagosuri, identiteti i të cilit nuk dihet ende, është transportuar me ambulancë drejt Spitalit Rajonal të Beratit, e fatkeqësisht nuk arriti të mbijetojë.
Shërbimet e Policisë kanë shkuar në vendngjarje dhe po kryejnë veprimet hetimore, për të zbuluar shkaqet dhe dinamikën e aksidentit, ndërkohë që drejtuesi i mjetit A.M është shoqëruar në Komisariat për tu pyetur në lidhje me ngjarjen.
