Një lajm i pabesueshme vjen nga Italia. Volejbollisti Roberto Cazzaniga që ka qenë edhe pjesë e Kombëtares Italisë ka zbuluar mashtrimin që i është bërë prej 15 vitesh nga një femër që i merrte para vazhdimisht. Ai mendonte se ishin në lidhje, por në fakt nuk ishin takuar kurrë.
Cazzaniga ishte i bindur se ai ishte me lidhur me një vajzë të quajtur Maya, një modele e supozuar braziliane dhe kishin folur në telefon disa vite më parë nga një mike e përbashkët e quajtur Manuela. E dashura false përdori fotot e modeles së Victoria Secret, Alessandra Ambrosio për t’u prezantuar. Fytyra dukej e njohur, por pavarësisht kësaj, Cazzaniga nuk pati asnjë dyshim dhe u zhyt në këtë marrëdhënie në distancë që ka 15 vjet që zgjaste.
Volejbollisti fliste edhe në telefon, por zëri që i përgjigje në fakt ishte nga Valeria, një grua nga Sardenja. Ajo i merrte paratë Cazzaniga me justifikimin se kishte probleme shëndetësore dhe i duhej të kurohej, por edhe kjo ishte një mashtrim i madh. Mediat italiane bëjnë me dije se volejbollisti gjatë këtyre 15 viteve i ka dhënë rreth 700 mijë euro, ndërsa ka marrë edhe kredi.
Ky mashtrim përfundoi vetëm tani, kur lojtari, pasi zbuloi të vërtetën, u bind nga miqtë dhe familjarët e tij të raportonte faktet në Polici. Volejbollisti, i cili me fanellën e Italisë fitoi medaljen e artë në Lojërat Mesdhetare në vitin 2009 dhe pati një karrierë të gjatë mes Superlegës dhe Serisë A2, përpara se të zbriste në Serinë B këtë vit me Gioia del Colle, është dashur të përballet me realitetin. Dashuria që kishte përjetuar nuk ishte gjë tjetër veçse një mashtrim që zgjati me vite.