Kreu i Hekurudhës Shqiptare, Ani Dyrmishi ka dhënë dorëheqjen pas gati pesë vitesh në këtë pozicion.
Arsyet e dorëheqjes së Dyrmishit deri tani nuk dihen, por mësohet se ai ka dorëzuar në ministri letrën e dorëheqjes. Dyrmishi zëvendësoi në këtë post ish-drejtorin e Hekurudhave, Ilir Dashi.
Më herët Ani Dyrmishi ka mbajtur postin e drejtorit të Hipotekës në Durrës, si dhe ka qenë kreu i Këshillit Bashkiak të Durrësit.
Atij i janë bërë dy atentate, në 2018-ën kur në makinën e tij u zbulua lëndë plasëse, dhe në 2019 kur nga një denoncim i PD u tha se persona të paidentifikuar kishin hapur zjarr ndaj tij. Në të dyja rastet, Dyrmishi ka mohuar që ngjarjet të kenë lidhje me të.