Përfaqësuesja ligjore e subjektit “Domi Shpk”, ka reaguar për zjarrin e madh që gjatë natës shkrumboi 60 shezlonge dhe çadra në plazhin e Drimadhes.
Artemis Kito tha se ata s’kanë patur konflikte me persona të tjerë, ndërsa ky është viti i tretë që operojnë me leje në këtë zonë. Shezlonget dhe çadrat ishin në pronësi të 55-vjeçarit Bilbil Domi.
“Unë jam Artemis Kito përfaqësuesja ligjore e subjektit Domi.al.shpk, jemi pajtuar me stacionet e plazhit në Drimadhes, kemi ndjekur procedurat pranë bashkisë Himarë. Mbrëmjen e djeshme ndodhemi një zonë dhe kemi marrë telefonatë nga banorë që kishin parë zjarr dhe tym. Kemi mbërritur në vendngjarje dhe pamë që shezllonët dhe çadrat ishin përpirë nga flakët.
Nuk e kishim nisur akoma aktivitetin pasi në 25.06.2021 kemi marrë njoftimin nga agjencia e kombëtare e bregdetit për lidhjen e kontratës dhe prisnim piketimin e bashkisë për të shpërndarë. Nuk kemi hasur konflikt nuk kemi pasur probleme, nuk mendoj as konkurrencën dhe asgjë. Ky është sezoni i 3, vitin e kaluar e kemi pasur në një parcelë tjetër. Këtë kemi thënë edhe në polici. Në këto momente çfarë nuk po dëgjojmë dhe shikojmë por nuk mendoj se kemi ndonjë risk”, tha ajo.