Hapësire reklamuese

Aktualitet

I dënuar për drogë dhe i shpallur në kërkim ndërkombëtar, arrestohet 37-vjeçari në Morinë

Shkruar nga Newsbomb
Ilustruese

Arrestohet një 37 vjeçar në kalimin kufitar të Morinës i dënuar më parë nga Gjykata e Kroacisë për trafikim droge.

Sipas policisë në pranga ka rënë shtetasi L.R., 37 vjeç, banues në Shkup, Maqedoni, i cili është arrestuar me qëllim ekstradimin në shtetin kroat.

Kjo pasi bazuar në vendimin e Gjykatës së Zagrebit, e cila në vitin 2009 e ka dënuar me 3 vjet e 6 muaj burg, për kryerjen e veprës penale “Abuzimi me drogat narkotike”, sipas Kodit Penal të Kroacisë.

Njoftimi i plotë:

Një tjetër person i shpallur në kërkim ndërkombëtar arrestohet nga Policia e Shtetit.

37 vjeçari në kërkim, i dënuar në fushën e narkotikëve.

Arrestimi provizor i tij, me qëllim ekstradimi në shtetin kroat.

Në hyrje të Pikës së Kalimit Kufitar të Morinës, falë bashkëpunimit të ZQK Interpol Tirana me shërbimet e Policisë Kufitare u bë ndalimi i shtetasit të shpallur në kërkim ndërkombëtar:

L.R., 37 vjeç, banues në Shkup, Maqedoni.

Gjatë përpunimit dhe verifikimit të të dhënave në sistem, ky shtetas rezultoi person në kërkim ndërkombëtar, bazuar në vendimin e Gjykatës së Zagrebit, e cila në vitin 2009 e ka dënuar me 3 vjet e 6 muaj burg, për kryerjen e veprës penale “Abuzimi me drogat narkotike”, sipas Kodit Penal të Kroacisë.

Në përfundim të veprimeve hetimore, specialistët e Seksionit për Hetimin e Trafiqeve të Paligjshme dhe Narkotikëve në DVP Kukës bënë arrestimin provizor, me qëllim ekstradimin e tij drejt Kroacisë, mbështetur në “Konventën Evropiane të Ekstradimit” të vitit 1957.

Sondazh

Poll

Lexo gjithashtu