Hapësire reklamuese

Çështjet kryesore

Aktualitet

I dënuar me 10 vite burg në Itali, arrestohet në Krujë 52-vjeçari i shpallur në kërkim ndërkombëtar (Emri)

Shkruar nga Newsbomb
I dënuar me 10 vite burg në Itali, arrestohet në Krujë

Albert Seseri, 52 vjeç i shpallur në kërkim ndërkombëtar është arrestuar sot nga Policia e Krujës me qëllim ekstradimin e tij drejt Italisë.

Seseri ishte i dënuar për veprat penale “Organizatë kriminale” dhe “Trafik i lëndëve narkotike”.

Arrestimi i 52 vjeçarit  u bë pasi Gjykata e Apelit në Torino, Itali, e ka dënuar me 10 vjet e 4 muaj burgim nga të cilat i kanë mbetur për të kryer edhe 5 vjet, 6 muaj e 15 ditë burgim, për veprat penale "Organizatë kriminale" dhe "Trafik i lëndëve narkotike", parashikuar nga Kodi Penal Italian.

Ndërkohë, Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejtë Italisë.

Njoftimi i plotë i Policisë Krujë:

Një tjetër person në kërkim ndërkombëtar bie në prangat e Policisë.

Arrestohet përkohësisht, me qëllim ekstradimi drejt Italisë, 52-vjeçari i dënuar për veprat penale "Organizatë kriminale" dhe Trafik i lëndëve narkotike".

Shërbimet e Komisariatit të Policisë Krujë si rezultat i shkëmbimit të vazhdueshëm të informacioneve mes ZQK Interpol Tirana, bënë të mundur kapjen dhe arrestimin me qëllim ekstradimin drejtë Italisë të shtetasit Bert Seseri alias Albert Seseri, 52 vjeç, banues në Krujë.

Arrestimi i këtij shtetasi u bë pasi Gjykata e Apelit në Torino, Itali, e ka dënuar me 10 vjet e 4 muaj burgim nga të cilat i kanë mbetur për të kryer edhe 5 vjet, 6 muaj e 15 ditë burgim, për veprat penale "Organizatë kriminale" dhe "Trafik i lëndëve narkotike", parashikuar nga Kodi Penal Italian.

Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejtë Italisë.

Lexo gjithashtu

Sondazh

Poll