Tirana
scattered clouds
23.5 ° C
23.5 °
23.5 °
53 %
2.1kmh
40 %
Mër
24 °
Enj
24 °
Pre
25 °
Sht
28 °
Die
31 °
E mërkurë, 22 Shtator, 2021
spot_img

‘I dënuar 15 vite, kishte kohë që ishte kthyer nga Italia’, DETAJE nga vrasja e ‘Geçes’ në Vlorë; gjendet një makinë e djegur

spot_img

Lajme të ngjashëm

a25076723dea3d3249f6eda793ec6142

Detaje të reja bëhen me dije lidhur me ngjarjen që ka tronditur sot qytetin bregdetar të Vlorës. Si pasojë e një atentati mafioz ka mbetur i vdekur Gentian Qarri, rreth 40 vjeç. Atentatorët e kanë qëlluar nga një makinë teksa ai po ecte në këmbë. 

Ai shkoi në spital në gjendje të rëndë, pasi fillimisht u plagos në këmbë, por nuk mundi të mbijetojë plagëve në kraharor duke qenë se mori disa plumba. Qarri ka marrë disa plumba, dhe në gjymtyrët e poshtëm, por ato në kraharor kanë qenë fatalë për të. Në vendngjarje u gjetën 11 gëzhoja, ndërsa burime për mediat thonë se është qëlluar mbi 20 herë. 

Në zonë ka shumë kamera sigurie, bare, lokale, faramaci, dhe hetuesit po bëjnë grumbullimin e provave. Autorët thuhet se kanë qenë me kapele të zezë dhe maskë Covidi. Kamera ka dhe gjatë rrugës që kanë përshkuar atentatorët deri në djegien e makinës. 

I riu njihej me nofkën ‘Geçe’ dhe kishte pak vite që ishte kthyer nga Italia, pasi ishte dënuar atje me 15 vite burg për drogë. Nuk dihet se cili ka qenë motivi i këtij atentati, por viktima ka qenë me precedentë penal dhe nuk përjashtohet mundësia e përfshirjes në aktivitete kriminale. 

146988769_884996265625704_8663966585756612149_n.jpg

Ngjarja ka ndodhur pranë Bibliotekës te Kisha Ortodokse, në lagjen “29 nëntori”. Autorët janë larguar dhe policia e cila po punon për kapjen e tyre, ka gjetur një makinë tip ‘Toyota’ të djegur në Pyllin e Sodës. Pranë automjetit është gjetur një armë tip sharrs. Autoritetet gjithashtu kanë ngritur postblloqe në pika kyçe në qytet.

“Më datë 06.02.2021, rreth orës 18:16, në lagjen “29 Nëntori”, në afërsi të Bibliotekës të qytetit është plagosur me armë zjarri, në rrethana ende të paqarta shtetasi G. Q., rreth 40 vjec, i cili si pasojë e plagëve të marra ka ndërruar jetë në spitalin e Vlorës. Shërbimet e Policisë kanë mbërritur menjëherë në vendgjarje ku është rrethuar zona dhe janë ngritur pika kontrolli në hyrje dhe në dalje të qytetit dhe përgjatë rrugëve që lidhin njësitë administrative me qëllim kapjen e autorit. Grupi hetimor po vijon punën për sekuestrimin e çdo prove materiale që do ti shërbej zbardhjes së ngjarjes dhe identifikimit të autorit/ve”, deklaron Policia. 

147378678_427313438495261_4480573985814405975_n.jpg

Më shumë

spot_img