Drejton mjetin në gjendje të dehur dhe nuk i bindet urdhërit të punonjësit të policisë për të ndaluar, por arrestohet në flagrancë nga policia.
Specialistët e Seksionit të Qarkullimit Rrugor, në Komisariatin e Policisë Elbasan, bënë arrestimin në flagrancë të shtetasit:
Kreshnik Isufaj, 33 vjeç banues në Elbasan.
Arrestimi i tij, u bë pasi në Lagjen “11 Nëntori” në rrugën nga pallatet e bashkisë për tek konvikti i Universitetit duke drejtuar mjetin tip “Ford” veturë me targa AA 813 FG nuk i është bindur urdhërit të punonjësit të Policisë Rrugore për të ndaluar.
Pasi është bllokuar nga shërbimet e Policisë, drejtuesit të mjetit iu bë testi i alkoolit ku rezultoi në gjendje të dehur.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Drejtimi i automjetit në gjendje të dehur" dhe “Mosbindja ndaj urdhërit të punonjësit të policisë së rendit publik.