Prokuroria e Kukësit ditën e djeshme e ka shpallur në kërkim ndërkombëtar këngëtaren Fjolla Morina, e cila është dënuar me 6 vite burg me akuzën për “trafik të armëve dhe municionit”.
Pas vendimit për shpalljen në kërkim ndërkombëtar, Fjolla Morina ka mbyllur të gjitha rrjetet sociale, duke u munduar kështu që të “fshehë gjurmët” se ku ndodhet. Këngëtarja ishte shumë aktive në rrjetet e saj sociale, ku shpesh ndante foto nga jeta e saj e përditshme
Fjolla edhe pse ishte në arrati, ajo i bënte “karshillëk” policisë duke udhëtuar në Dubai dhe vende të tjera. Madje në arrati ajo ka kurorëzuar edhe dashurinë me biznesmenin Fisnik Syla.
Kujtojmë që këngëtarja u arrestua kohë më parë në doganën e Morinës me dy armë me vetë. Për të u vendos masa arrest me burg, ku këngëtarja po qëndronte në Kukës, por më pas u arratis në drejtim të paditur.