Detaje të reja kanë dalë lidhur me aksidentin e rëndë të ndodhur ditën e sotme në zonën e Kombinatit në Tiranë, ku humbi jetën një 25-vjeçare pasi u përplas në oborrin e shtëpisë.
Mësohet se shtetasi Sajmir Thaçi ishte nën efektin e drogës në momentin kur aksidentoi 25-vjeçaren.
40 vjeçari humbi kontrollin e “Audi”-t, duke u përplasur me portën e banesës dhe ka hyrë në oborrin e saj, ku ka aksidentuar shtetasen Marjana Sahitaj e cila për pasojë ka ndërruar jetë në spitalin e Traumës.
Njoftimi i plotë:
– S. Th., 40 vjeç, banues në Tiranë, pasi duke drejtuar automjetin, nën efektin e lëndëve narkotike, ka humbur kontrollin mbi drejtimin e automjetit dhe ka hyrë në oborrin e një banese, në rrugën “Shaban Bardhoshi”, duke aksidentuar shtetasen M. Ç., 25 vjeçe, e cila si pasojë ka ndërruar jetë në spital.