Hapësire reklamuese

Bota

Hyri brenda “shtëpisë së barit” dhe tentoi të vidhte kanabisin, si e vrau banda shqiptare 23-vjeçarin britanik

Shkruar nga Newsbomb
Hyri brenda “shtëpisë së barit” dhe tentoi të

Një bandë shqiptarësh akuzohet se vrau një të ri britanik pas tentativës së këtij të fundit për të vjedhur fermën e kanabisit me vlerë mbi 120 mijë paund, kanë thënë hetuesit në gjykatë.

Trupi i të riut 23-vjeç, Tomasz Waga u zbulua në një rrugë në Cardiff më 28 janarr 2021 dhe u deklarua i vdekur më vonë.

Ai dyshohet se së bashku me Carl Davies hyri në pronën në Newport Road, Cardiff që menaxhohej nga një bandë shqiptarësh. Shqiptarët e qëlluan me armë dhe e futën në një makinë.

Gledis Mehalla, Mihal Dhana, Mario Qato, Josif Nushi dhe Hysland Aliaj gjykohen nga Newport Crown Court. Dy prej tyre janë ende në kërkim dhe për informacion në lidhje me ta, policia britanike ka vënë një shpërblim prej 100,000 paund.

“Në vitin 2020, një bandë e organizuar kriminale me shtetas shqiptarë hapën një fabrikë kanabisi në zonën e Cardiff. Ishte aq e suksesshme dhe me përfitim sa që anëtarët e bandës ishin të përgatitur për ta mbrojtur, me çdo kusht. Vendosmëria e tyre për të mbrojtur të korrat e tyre erdhi pas orës 22:30, më 28 janar 2021, ku këta 5 të pandehur së bashku me të tjerë, vranë Tomasg Waga, një i ri që kishte si qëllim të vidhte kanabisin në fabrikën e Newport Road”, tha akuza në sallën e gjyqit.

Dyshohet se Waga, u fut në një makinë Mercedez, ku prokuroria pretendon se ai është marrë në pyetje dhe se anëtarët e bandës dyshohet se i kanë grabitur paratë dhe telefonin e tij para se të nxirrej nga makina i vdekur.

Sondazh

Poll

Lexo gjithashtu

Hapësire reklamuese