Kryeministri Edi Rama ka komentuar në rrjetet sociale përballjen e Shqipërisë me Poloninë, ndeshje e vlefshme për kualifikueset e Euro 2024, por që për fat të keq përfundoi me humbjen e kuqezinjve.
Megjithatë, Rama shkruan se Shqipëria bëri një paraqitje dinjitoze, me vetëbezim, përkushtim e zotësi.
“Prandaj përgëzime kuqezinjve për këtë debutim shumë premtues dhe kurajo e besim për më tej në rrugëtimin e saponisur drejt Eurofinaleve”, shkruan Rama.
Mesazhi i Ramës pas ndeshjes:
Me siguri nuk kuptoj nga futbolli, po nuk rri dot pa shkruar këtu sonte se kjo Shqipëri që pashë sot ishte një Shqipëri dinjitoze, me vetëbesim, përkushtim e zotësi, e cila meritonte si minimum barazimin në një stadium kundërshtar nga më të zjarrtët e Europës, kundër një Polonie të vënë në vështirësi nga fillimi në fund, prandaj përgëzime kuqezinjve për këtë debutim shumë premtues dhe kurajo e besim për më tej në rrugëtimin e saponisur drejt Eurofinaleve