Hapësire reklamuese

Aktualitet

Humbi të atin nga Covid, përlotet Gent Zenelaj: Nuk i shkova në varrim, herën e fundit e pashë me...

Shkruar nga Newsbomb
Gentian Zenelaj

Aktori i njohur i humorit Gentian Zenelaj kohët e fundit ka kaluar një periudhë të vështirë në jetën e tij, pasi u infektua me Covid dhe e kaloi në një mënyrë të vështirë.

E sikur të mos mjaftonte kjo, ai humbi të atin nga kjo sëmundje e tmerrshme. Me lot në sy ai rrëfyer në emisionin “Rudina” momentet e infektimit me Covid-19 dhe shtrimin në spital.

Gjatë periudhës që ai ishte në spital humbi të atin nga Covid-19 dhe nuk kishte mundësi as të shkonte në varrim sepse ishte në gjendje të keqe.

Zenelaj: Në ditën më të keqe të sëmundjes që ishte dita 10, unë humba babain. Ajo është një ditë që influencioi shumë keq në shëndetin tim sepse unë mendoj që kjo sëmundje është thellësisht e lidhur me gjendjen tëndë emocionale. Atë ditë u ndjeva shumë keq, babai im kishte më shumë se dy javë që ishte shtruar në spital dhe ikja ime nga përkujdesja, mua më përkeqësoi shumë. Fakti që nuk isha për t’u përkujdesur, për të çuar gjërat që kisha nevojë dhe gjithë kjo barë i ra bashkëshortes sime. Unë kisha edhe mamanë time të sëmurë me Covid në Shëngjin.

Pyetje: Kur je takuar me babain për herë të fundit?

Zenelaj: Kjo është gjëja që më vret shumë sepse kjo është një sëmundje që ti je thellësisht i vetmuar dhe nuk ke mundësi t’i mbash dorën njeriut tënd të dashur, që nuk ke mundësi t’i rrish afër dhe t’i japësh pak shpresë. Ky ishte mendimi më i keq që unë kisha për ato tre javë ku babai im ishte i shtruar në spital. Unë kam disa video-call me të megjithëse ai kishte një maskë të madhe në fytyrë dhe unë shumë pak merrja nga ai. Por realisht nuk ma merrte mendja që babai im do ikte sepse mamaja është më me problem shëndetësore, me ftohje të vjetra, me ujë në zemër. Është e pabesueshme që babai im të degradonte në këtë gjendje.

Dita kur u intubua ishte shumë e vështirë për mua, ai bëri tre arrest kardiak dhe s’ma merrte mendja kurrë që ai njeri të kishte një zemër aq të fortë sepse të mbash 3 javë, 60 litra oksigjen, duhet të kesh një zemër shumë të fortë. Nuk shkova as në funeral, mamaja ime përjetoi një periudhë shumë të keqe sepse vëllai im për fat të keq ishte në Suedi, aeroportet ishin të pamundura. Ishte një situatë kaotike në familjen time dhe thoja o Zot çfarë po ndodh. 

Sondazh

Poll

Lexo gjithashtu