Tirana
clear sky
15.5 ° C
15.5 °
15.5 °
88 %
1kmh
0 %
Mër
24 °
Enj
24 °
Pre
25 °
Sht
29 °
Die
29 °
E mërkurë, 22 Shtator, 2021
spot_img

Historia që po trondit Gjirokastrën, gazetari publikon VIDEON: Administratori i televizionit ngacmon vajzën e mitur brenda në redaksi, e kap nga të pasmet

spot_img

Lajme të ngjashëm

f233b94d3dcd29b25d66d87655bb3942

Gazetari Telnis Skuqi ka publikuar një video të rëndë, dhe denoncon administratorin e ALPO TV në Gjirokastër, Aristotel Petro, se ngacmon vajzat e mitura që shkojnë nga gjimnazi për të punuar në televizionin e qytetit.

Skuqi shkruan se një studente gazetarie, tani në vitin e dytë në master, i ka dërguar një video ku denoncon ngacmimin e administratorit të ALPO TV, Aristotel Petro, e regjistruar kur ajo ishte gjimnaziste dhe punonte në televizionin lokal.

VIDEO:

SHKRUAN TELNIS SKUQI:

Një nga shumë ish-reporteret e televizonit Alpo, më tregoi dramën e saj personale, disa muaj më parë.

“Ai nuk e meriton të jetë pjesë e komunitetin tonë”, – më shkruajti ish-reporterja, S.G, sot një studente e vitit të dytë në master në Tiranë.

Si fillim, ajo më kërkoi t’i ruaj identitetin e saj.

“E kam pasur ëndërr të isha gazetare, prandaj vendosa të punoja qysh gjimnaziste në Alpo TV”, – nis rrëfimin ajo.

Prindërit e saj e kishin mbështetur, madje ata kishin bashkëbiseduan me administratorin i televizionit, Aristotel Petro.

Sipas saj, Petro ishte treguar i gatshëm ta punësonte në redaksinë e lajmeve.

“Ai kishte një sjellje shumë të çuditshme ndaj vajzave të mitura”, – më thotë ajo.

“Në fillim më prekte në faqe. Sinqerisht mendoja se ishte thjeshtë një veprim inkurajimi, por shpejt ai shfaqi anën e tij më të zezë”, – më rrëfen ajo.

“Ai më shkatërroj jetën! Ai më lëndoi shumë vetëm sepse unë isha e mitur”, – thotë ajo.

Për të, televizoni që administron ishte thjeshtë një karrem për vajzat e mitura.

“Përmes televizoni ai joshte vajzat gjimnaziste dhe më pas ngopte epshet e tij. Ai është i sëmurë. Ai është mostër”, – vazhdonte të shkruaj ajo në inboxin tim në facebook.

“E kam njohur personalisht dhe e di se çfarë njeriu është. Këto ngacmime nuk i bënte vetëm me mua, por me të gjithë shoqet e mia që punonin në Alpo TV”, – tha ajo dhe sakaq shtoi: – “Ai është njeri shumë i keq!”.

Pavarësisht dramës personale, studentja e vitit të dytë në master nuk e ka humbur refleksin e reporteresh.

Ajo e di që prova është arma më e fortë për të faktuar të vërtetën e saj.

“Personalisht disponoj të paktën pesë video me sekuenca të shkurta, por jam e gatshme të të ofroj një prej tyre. Unë nuk dua hakmarrje, por dëshiroj të shpëtoj vajza të tjera nga ky përbindësh”, – përfundoi rrëfimin ajo.

(Shënim: Iniciali S.G. është një trillim gazetaresk dhe i rastësishëm, me qëllim për të ruajtur identitetin e plotë të vajzës së lënduar, si dhe për të respektuar Kodin e Etikës së Gazetarisë)

Më shumë

spot_img