Një sipërfaqe e madhe me bimësi është duke u djegur në vendin e quajtur “Përroi i Vishës” në Himarë, duke arritur edhe në afërsi të rrugës kryesore.
Zjarrfikëset janë nisur menjëherë drejt vendngjarjes, por terreni i thyer e bën të vështirë shuarjen e flakëve, të favorizuara edhe nga era.
Kujtojmë se ditën e sotme u regjistrua edhe një tjetër vatër zjarri në Radhimë, e cila rrezikoi edhe banesat e qytetarëve, por fatmirësisht u shua në kohë nga zjarrfikësit.