Në një lokal në Laprakë shtatë persona që kanë konsumuar të njëjtin ushqim, mish pule, janë helmuar.
Konsumimi i mishit të pulës më pas u ka shkaktuar probleme gastrointensinale, duke bërë që të përfundojnë në urgjencën e shërbimit infektiv.
“Kemi shumë raste që vijnë nga lokalet, të fundit u helmuan pasi konsumuan mish pule”, ka thënë mjekja Ermira Muço për Top Channael.
Vetëm gjatë 24 orëve të fundit janë paraqitur 130 raste me intoksokacione dhe probleme virale. Ekipi i mjekëve në shërbimin infektiv u bën thirrje njerëzve, sidomos atyre që gatuajnë në shtepi të bejnë kujdes me ruajtjen e produkteve ushqimore dhe gatimin e tyre. Shpesh përgatiten u shqime të cilat vendosen në frigorifer për t’i konsumuar.