Hapësire reklamuese

Çështjet kryesore

Politikë

Harxhi denoncon parregullsitë: Ka pasur konfrontime, persona që kanë votuar disa herë! Probleme në të gjithë vendin

Shkruar nga Newsbomb
Harxhi denoncon parregullsitë: Ka pasur konfrontime, persona që

Kandidatja për kreun e PD-së, Edith Harxhi ka denoncuar parregullsitë sipas saj gjatë procesit të votimit për kreun e ri të Partisë Demokratike.

Harxhi ka thënë se në disa zona në Tiranë janë lejuar të votojnë persona që s’kanë patur as kartë anëtarësie dhe as emrin në listë. Ajo tha se në Kavajë dhe Mat ka patur edhe konfrontim fizik mes vëzhguesve të saj dhe kandidatëve të tjerë, që kanë tentuar të ndalojnë persona të cilët kanë votuar disa herë.

Harxhi tha se në Përmet janë ndaluar të votojnë 150 anëtarë të rregulltë.

Pjesë nga deklarata e Harxhit:

I bëj thirrje të gjithë demokratëve të dalin dhe të votojnë masivisht. Ka pasur parregullsi të shumta në disa zona, në disa degë. Për këtë arsye unë kam përgatitur edhe një njoftim për shtyp. Ka pasur me mijëra anëtarë të PD-së që nuk kanë qenë në lista. Një numër i konsiderueshëm i kontribuesve, madje edhe aktivë në zgjedhjet e fundit nuk kanë pasur mundësi të votojnë. Prej tyre edhe kryetarë degësh, kryetarëb në disa bashki, në Përmet janë rreth 150 votues që s’kanë patur mundësi të votojnë. Kam të dhëna edhe nga Burreli apo nga zona të tjera. Janë shumë prej atyre që s’kanë karta anëtarësie por në disa zona hyjnë.

Çështja e dytë është e atyre që s’kanë as emrin as kartë anëtarësie dhe po lejohen të votojnë në disa zona në Tiranë. Po vihet re edhe një fenomen i fotografimit të votës që është shumë shqetësues. Këto janë brenda qendrave të votimit, madje në kuti të votimit shpesh herë. Ka patur provleme dhe zënka në Kavajë, Bulqizë, Durrës po ashtu. Në këtë proces të konfrontimit mes vëzhguesve, vëzhguesit tanë nuk kanë lejuar që të votohet disa herë. Ka pasur votim nga një person me disa karta anëtarësie. Kjo ka ndodhur në Kavajë dhe në Mat. Vëzhgues tanë nuk janë lejuar. Ka qenë rasti i njësisë 5, jam takuar vetë me vëzhguesen e zotit Shehaj në këtë rast.

Kam bërë një thirrje për të gjithë ata votues që nuk kanë mundur të votojnë, që të regjistrojnë emrin e tyre. Ky është një proces që ka probleme të mëdha. Pavarësisht kësaj, unë kërkon që të gjithë antëarët të dalin dhe të votojnë masivisht.

Lexo gjithashtu

Sondazh

Poll