Data 1 Janar 2023, do të mbahet gjithmonë mend nga kosovarët. Duke filluar nga dita e djeshme, të gjithë shqiptarët e Kosovës do të udhëtojnë drejt Bashkimit Europian pa viza.
Për këtë arsye natën e ndërrimit të viteve, pak pas mesnatës në sheshin më të famshmën të New York-ut, në “Time Square” në ekranin gjigand është shfaqur harta dhe flamuri i Republikës së Kosovës.
“Urime Viti i Ri, nga populli i Kosovës”, shkruhet në ekranin gjigand.
Duke nisur nga dje qytetarët e Kosovës do mund të udhëtojnë pa viza në shtetet e Bashkimit Evropian.
Vendimi për liberalizimin e vizave për Kosovën u botua të martën e 25 prillit në Gazetën Zyrtare të Bashkimit Evropian. Me këtë veprim u përmbyll edhe formalisht i gjithë procesi i liberalizimit të vizave për qytetarët e Kosovës.
Shtetet që përfshihen në vendimin për liberalizimin e vizave për kosovarët janë: Austria, Belgjika, Bullgaria, Kroacia, Qipro, Republika Çeke, Danimarka, Estonia, Finlanda, Franca, Gjermania, Greqia, Hungaria, Italia, Letonia, Lituania, Luksemburgu, Malta, Holanda, Polonia, Portugalia, Rumania, Sllovakia, Sllovenia, Suedia, Zvicra, Norvegjia, Lihtensteini dhe Islanda.
Sondazh
Lexo gjithashtu
