Kryeministri i Kosovës, Ramush Haradinaj u takua në Prishtinë me kongresmenin amerikan, Eliot Engel.
Ata biseduan për zhvillimet politike në vend dhe për procesin e dialoguz ndërmjet Kosovës dhe Serbisë. Sipas Haradinajt, Kosova do të jetë përjetë mirënjohëse për përkrahjen që Shtetet e Bashkuara i kanë dhënë gjatë luftës.
‘Kosova është e përcaktuar për të ardhmen euro-atlantike, në miqësi të përhershme me SHBA-në, fqinjësi të mirë me vendet e rajonit dhe përmbylljen e dialogut me Serbinë, me një marrëveshje finale, ligjërisht të obligueshme që çon në njohje reciproke në kufijtë ekzistues. Kosova do të jetë përjetë mirënjohëse për përkrahjen që Shtetet e Bashkuara kanë dhënë para dhe gjatë luftës dhe tani në shtetetndërtimin dhe konsolidimin e institucioneve demokratike të Kosovës’, thuhet në komunikatën për media të Qeverisë.
Kujtojmë që kongresmeni Engel ditën e djeshme ishte pjesëmarrës në ceremoninë e zhvilluar në Tropojë së bashku me presidentin Ilir Meta.