Tirana
overcast clouds
6.5 ° C
6.5 °
6.5 °
87 %
2.1kmh
100 %
Pre
11 °
Sht
11 °
Die
11 °
Hën
10 °
Mar
8 °
E premte, 27 Janar, 2023

Hapja e negociatave, reagon Kryemadhi: Njerëzit në karrige do të bëjnë çmos për ta dështuar këtë rrugë, LSI do angazhohet për integrimin e plotë të Shqipërisë në BE

spot_img

Lajme të ngjashëm

Kryetarja e LSI-së, Monika Kryemadhi, ka reaguar pas hapjes së negociatave për Shqipërinë drejt Bashkimit Evropian.

Përmes një postimi në “Facebook”, Kryemadhi shpreh mirënjohje ndaj këtij vendimi të marrë nga BE për Shqipërinë pasi iu hap rruga një procesi të rëndësishëm për vendin tonë.

Sipas Kryemadhit ky është vetëm fillimi i një kapitulli të ri, teksa detyrat për ta çuar para këtë rrugë ngarkojnë çdo aktor politik me përgjegjësi të reja.

Ndër të tjera, ajo thekson se LSI si parti parlamentare do të dedikojë energjitë për të çuar përpara nismat ligjore dhe angazhimet institucionale që e realizojnë sa më parë integrimin e plotë të Shqipërisë në BE.

“Mirënjohje ndaj çdo vendi të Bashkimit Europian, për këtë ditë të sotme të çeljes zyrtare të negociatave, që i hap rrugën procesit më të rëndësishëm për integrimin e Shqipërisë me të drejta të plota në familjen europiane.

Ky është vetëm fillimi i një kapitulli të ri, ndërsa detyrat për ta çuar përpara këtë rrugë, e ngarkojnë çdo aktor politik e shoqëror në vend, me përgjegjësi të reja për të realizuar transformimin rrënjësor e të gjithanshëm që Shqipëria europiane ka nevojë!

Njerëzit në karrige nuk e duan dhe do të bëjnë çmos për ta dështuar këtë rrugë, në favor të autokracisë së pushtetit të tyre. Qeveria shqiptare institucionalisht, duhet të çlirohet nga praktikat e deri tanishme korruptive, klienteliste, në shkelje të ligjit dhe ndrydhje të të drejtave e lirive të qytetarëve.

LSI si parti parlamentare dhe forcë vendimtare në vend, do të dedikojë energjitë për të çuar përpara nismat ligjore dhe angazhimet institucionale që e realizojnë sa më parë integrimin e plotë të Shqipërisë në BE.

Tepër kohë është humbur me dështime për shkak të vendimeve personale të politikës së ditës. Duke vonuar integrimin në BE, kemi humbur qytetarët tanë që janë larguar në emigrim drejt jetës më të mirë në BE.

Është koha që Shqipëria të bëhet Evropë në të gjitha standardet. Është koha që Shqipëria të vendosi në fokus të veprimit qytetarët dhe aspiratën europiane të familjeve e fëmijëve të vendit!”, shkruan Kryemadhi.

Më shumë


spot_img








spot_img