Ditën e sotme ministrja e infrastrukturës, Belinda Balluku së bashku me kryeministrin Edi Rama kanë shpallur garën ndërkombëtare për projektin inxhinierik të Tunelit të Llogarasë.
Belinda është shprehur se ky projekt do të trefishojë numrin e turistëve. Sakaq, Balluku tha se ky projekt do të ndihmojë në ekonominë e vendit dhe që do të punësojë rreth 11 mijë puntorë.
“Jemi këtu sot për shpalljen e garës ndërkombëtare për projektin inxhinierik të Tunelit të Llogarasë, një vepër strategjike për turizmin në rivierën e Jonit. Me tunelin e Llogarasë, aksi Orikum – Palasë do të përshkohet në vetëm për 10 minuta, nga 55 minuta që iu duhet aktualisht drejtuesve të mjeteve. Pa u mbyllur ky vit ne do të lançojmë garën për këtë projekt, brenda pranverës së vitit të ardhshëm ne parashikojmë që të ketë nisur puna në kantier. Presim që të ketë një trefishim të numrit të udhëtarëve që do të zgjedhin që të kalojnë në këtë zonë, për shkak se shumë turistë sot vendosin që të mos kalojnë Llogaranë për shkak të vështirësive të rrugës. Ky tunel do të ketë ndikim në ekoniminë e zonës. 550 deri në 650 milionë euro ndikim direkt dhe indirekt dhe punesim arrin deri ne 11 mije e 600 të punësuar. Kjo do të kontribojë në përmirësimin e imazhit të turizmit në Shqipëri,” është shprehur Balluku.