Hapësire reklamuese

Showbiz

“Hante pulë më pilaf”, Arjan Konomi: Si më hodhi në gjyq Soni Malaj

Shkruar nga Newsbomb

Një histori e vjetër sapo doli nga arkivat e revistave. Arjan Konomi, ish drejtor i Revistës Shqip, tregoi te Rudina Magjistari një episod që i kishte ndodhur me Soni Malajn. Diçka kishte dëgjuar Rudina për atë kohë dhe e pyeti se ç`kishte ngjarë.

“Kur unë drejtoja Revistën Shqip i kërkova Soni Malajt të ishte pjesë e kopertinës së revistës. Ajo fillimisht pranoi, pastaj më kërkoi para. Ndërkohë që në Shqipëri gjërat nuk funksionon kështu. Ne kemi nxjerrë Elsa Lilën me vajzën në vaskë dhe veç kënaqësisë s`mori asgjë tjetër.

Unë i thashë Sonit se s`mund t`ia jepja nga xhepi, se i punësuar isha dhe se botuesi nuk e praktikonte këtë gjë me askënd. Pastaj nuk pranoi. Pas kësaj ne bëmë një shkrim bazuar në një intervistë tjetër që ajo kishte dhënë, ishte koha kur ishte njohur me balerinin (Mirkon). Kapëm një batutë që kishte thënë se hante pulë me pilaf me të dashurin dhe kujtuam disa nga lidhjet që kishte pasur, ato publiket.

Ajo na hodhi në gjyq, por e humbi. Përgjegjësinë e mora unë meqë isha drejtuesi, por lajmin e bëri gazetarja dhe përgjegjës ishte botuesi. Gjithsesi unë ia thashë Sonit që pak kohë më vonë do jetë një i dashur tjetër dhe kështu ndodhi”, tha Arjan Konomi. Në atë kohë nuk kishte portale dhe ndaj lajmi nuk e kishte marrë dhenë, deri tani.

Sondazh

Poll

Lexo gjithashtu