Hapësire reklamuese

Showbiz

Habit Olti Curri: Anxhela Peristeri i ka mbuluar vetë shpenzimet në "Eurovizion", askush nuk e ndihmoi

Shkruar nga Newsbomb
Habit Olti Curri: Anxhela Peristeri i ka mbuluar vetë shpenzimet në

Anxhela Peristeri shkëlqeu me performancën e saj në “Eurovision” me këngën "Karma". Ajo arriti të kalonte në finalen e madhe, teksa i gjithë publiku u mahnit nga zëri i saj i fuqishëm.

Si asnjëherë më parë, Shqipëria u shfaq me skenografi me efekte vizuale, të kuruara në detaje, që ndiqnin dhe shoqëronin lëvizjet e Anxhelës në skenë.

Por, pavarësisht se duhet të ketë një buxhet të caktuar, RTSH-ja ka një buxhet shumë të kufizuar për prezantimin në “Eurovision”.

Olti Curri, i cili është edhe tekstshkrues i këngës “Karma” të Anxhelës, ka zbuluar se këngëtarja i ka mbuluar vetë të gjitha shpenzimet e performancës.

“Ky buxhet është përballuar nga Anxhela. Këtu Anxhela ka pasur dëshirë dhe e ka mbuluar Anxhela. Është një buxhet që nuk është i vogël. Sasha (artsitja që kuroi performancën skenike) u dashurua me performancën e Anxhelës”, tha Olti Curri në emisionin “TempOra”.

Ai tha gjithashtu se Anxhela ka punuar gjatë gjithë kohës pa u ndalur dhe nuk është ankuar kurrë.

“Anxhela ka bërë prova non-stop dhe nuk pati një moment, ku të thotë ‘ndihem e lodhur’. I mbante mirë të gjithë, më thoshte mua, mos ma mërzit atë, mos ma mërzit këtë”, u shpreh Olti Curri.

Ai ka zbuluar se pas performancës në “Eurovision”, Anxhelës i ka ardhur ftesë për një koncert në Rusi, por nuk dihen më tepër detaje se për çfarë bëhet fjalë.

Sondazh

Poll

Lexo gjithashtu