Bislim Ahmetaj, kreu i grupimit “Dhjetori 90” shkruan në rrjetet sociale se kanë rimarrë zyrën e tyre në selinë e PD. Ahmetaj ndan foto nga rikonstruksioni dhe thotë se zyrës po i jepet dora e fundit.
“Përveç lyerjes po bajmë edhe dizinfektimin”, shkruan Bislim Ahmetaj dhe ndan foton e mëposhtme. Zyra qëndronte prej kohësh e mbyllur, për shkak të ngjarjeve që ndodhën në PD dhe kulmuan paraditen e 8 janarit.
Madje, në ditët e para të dhjetorit 2021, Ahmetaj denoncoi në media se bravat e dyerve ishin ndërruar, ajo e zyrës së tyre jo por e dyerve të tjera në brendësi të selisë. Zyrës tonë nuk i është ndërruar brava. Ama dy nga dyert e mëdha janë mbyllur dhe ne nuk kishim nga të dilnim. Për të folur këtu me ju u detyruam të shpërthenim një nga to”, tha Ahmetaj atë kohë.