Raffia Arshad[/caption]Një grua në Britani është bërë gjyqtarja e parë në botën perëndimore që mban veshur një shami.
Raffia Arshad, 40 vjeç, u emërtua Zëvendëse Gjykatëse e rajonit të Midlands në Britaninë e Madhe. Dëshira e saj për të punuar në drejtësi ka lindur që në moshën 11 vjeç.
Arshad ka qenë shpeshherë objekt diskriminimi në sallën e gjyqit për shkak të zgjedhjes së saj për të veshur shami.
Ajo ka rrëfyer për 'Metro' se disa vite më parë një anëtar i familjes e këshilloi që të mos vishte shaminë në një intervistë për bursë në Universitetin e Gjykatës së Drejtësisë në vitin 2001, duke paralajmëruar se kjo do t'i ulte shanset për të fituar.
“Unë vendosa që të mbaj veshur shaminë, sepse për mua është e rëndësishme të pranosh të tjerët ashtu siç janë,” tha Arshad.
Arshad është shprehur se dëshiron që arritja e saj të dëgjohet me zë të lartë, sepse ky është një rezultat shumë i rëndësishëm për të gjithë gratë myslimane.
Sondazh
Lexo gjithashtu
