Grida Duma ka folur për herë të parë pasi dha dorëheqjen si nënkryetare e Partisë Demokratike, duke u shprehur se Lulzim Basha është problemi i parë me të cilin përballen të gjithë demokratët në terren.
Ajo tha se rezultatin e zgjedhjeve të 6 Marsit e kishin kuptuar që në fushatë, pasi demokratët nuk ishin të bindur për të dhënë votën. Sipas saj, sondazhet e zgjedhjeve i ka mbajtur vetëm kryetari, duke mos i treguar as drejtuesve të fushatës.
Pjesë nga intervista në studio
Duma: Përçarja e partisë ishte e dëmshme. Ne e kuptonim në terren, që kur shkonim të kërkonim votën për kandidatët tanë, ishte një “po” shumë e vakët.
Fevziu: Ne që jemi në media pothuajse në çdo zgjedhje falë sondazheve kemi një ide të përafërt të rezultatit. Gjithë kjo strukturë e PD-së hyn qorrazi në zgjedhje?
Duma: Jo, por është traditë e keqe që sondazhet i mbajnë vetëm krerët e partive. Nuk e di nëse është në PS kjo, por drejtuesit politikë duhet t’i kenë rezultatet e tyre. Gjithsesi nuk kisha nevojë për të sondazhe për të kuptuar se fushata ishte e vakët.
Fevziu: Çfarë problemi kishin demokratëtët?
Duma: Peshën më të madhe e zë kredibiliteti i figurës së tij, është dëmtuar në mënyrë të pabëshme më. Individi dhe kryetari i PD është problemi i parë me të cilin ne të gjithë përballemi në terren.
Sondazh
Lexo gjithashtu
