
Kryetarja e Komisionit të Çështjeve Sociale, Grida Duma ka mbajtur fjalën në Komisionin, ku po diskutohet akti normativ për rimbursimin e çmimeve të kompanive për punët publike.
Në fjalën e saj deputetja e PD ka hedhur akuza të forta ndaj qeverisë, duke thënë se me paratë e buxhetit po kompensojnë oligarkët.
Ajo është shprehur se 400 milionë shtesë i ka shkuar kompanisë së Gjokës dhe Salillarit.
“Po përdorni paratë e buxhetit për të kompensuar kompanitë që janë rankuar si oligark. Kush janë kompanitë që fitojnë. Dhe ku bazohet që propozohet me VKM që të kompensohen disa kompani dhe cilat jo. E dyta ju thoni se janë rritur por rruga Kardhiq-Delvinë nisi me 50 dhe përfundon me 180 milionë. Këto janë kompani që marrin 99.9 të fondit limit.
Ndërkohë vezët, vaji është rritur 200% por ju nuk i shpërndani lekët për qytetarët. Ne me 400 milion euro shtesë nga nga taksat ne ja çojmë Gjokës e Salillarit. Ka shkuar shteti që tu thotë se e ke në kontratë marzhin e rriskut. Po kur ulen çmimet i kërkoni ju lekë?
Anti kushtetuese gati, që të bëhet një akt me prapaveprim. Keni shkuar ndonjëherë të kërkoni lek se ka qenë çmimet e ulta?” u shpreh Duma.