Greqia ka regjistruar vetëm 1 viktimë në 24 orët e fundit si pasojë e koronavirusit, duke e çuar në 93 numrin total të jetëve të humbura.
Ditën e fundit në shtetin fqinj janë shënuar 70 raste të reja me covid, me një numër total prej 2081 të infektuarish. Janë gjithsej 269 të shëruar dhe 75 pacientë që ndodhen në gjendje kritike për jetën.
Ndërkohë Serbia ka shënuar 3 viktima në 24 orët e fundit, 74 në total. Janë 275 raste të reja me një numër të përgjithshëm prej 3380 të infektuarish. Në Serbi janë shëruar 118 persona, ndërsa 145 janë në gjendje të rënduar.