Ministri i Brendshëm Sandër Lleshaj ka reaguar për grabitjen armatosur të 7 milion eurove ditën e sotme në aeroportin e Rinasit.
Lleshaj i përgjigjet akuzave të sekretarit të PD-së Gazmend Bardhi, i cili tha se “Policia i hapi rrugën grabitësve”. Një deklaratë kjo që duket të jetë aspak në përputhje me realitetin pasi Policia u përplas me autorët gjatë tentativës së tyre për t’u larguar.
Ata ishin të armatosur rëndë dhe njëri prej tyre mbeti i vrarë gjatë shkëmbimit të zjarrit.
Deklarata e Lleshajt:
Edhe në momentin e një përplasjeje me armë të Policisë së Shtetit me një grup të armatosur kriminal, zëdhënësi/sekretari i një partie antiparlamentare sulmon ..... Policinë!!!
Megjithatë të gjithë shqiptarët janë në krah të Policisë së Shetit në luftën e përbashkët kundër krimit të organizuar.
Kjo luftë nuk mund të ndalet nga askush!