Hapësire reklamuese

Aktualitet

Grabitet natën kompania në autostradën Durrës-Tiranë, autori merr paratë dhe largohet, Policia thotë se po punon për ta identifikuar

Shkruar nga Newsbomb
Grabitet natën kompania në autostradën Durrës-Tiranë,

Një kompani është grabitur gjatë natës në autostradën Durrës-Tiranë. Sipas Policisë, ngjarja ka ndodhur dje, në orët e vona të mbrëmjes, ndërkohë që autori nuk është identifikuar ende.

Referuar njoftimit zyrtar, bëhet me dije se autori i grabitjes ka marrë në kompaninë në pronësi të shtetasit të identifikuar vetëm me inicialet H.M 43 vjeç, një sasi parash dhe është larguar. Materialet i kaluan Prokurorisë së Rrethit Gjyqësor Tiranë, për veprime të mëtejshme.

“Më datë 19.07.2021, gjatë natës, në rrugën dytësore Durrës-Tiranë, një person ende i paidentifikuar ka vjedhur një shumë parash në firmën në pronësi të shtetasit H. M., 43 vjeç. Punohet për identifikimin dhe kapjen e autorit.”

Tiranë - Arrestohen në kushtet e flagrancës 9 shtetas, për vepra të ndryshme penale.

Specialistët për Hetimin e Narkotikëve bënë arrestimin në flagrancë të shtetasit A. L., 19 vjeç, pasi nga kontrolli i ushtruar nga Forca e Posaçme “Shqiponjat” iu gjet dhe iu sekuestrua një sasi me lëndë narkotike kanabis.

Nga specialistët për Hetimin e Krimit Ekonomik dhe Financiar u bë arrestimi në flagrancë për veprat penale  “Tregtimi dhe transportimi i mallrave kontrabandë“, “Fshehje të ardhurash“ dhe “Shkelje e të drejtave të pronesisë industriale” i shtetasit E. H., 40 vjeç, pasi gjatë kontrollit të ushtruar në mjetin e tij, sherbimet e Policisë gjetën dhe sekuestruan një sasi  paketash pa pullë fiskale.

Specialistët për Hetimin e Krimit në Komisariatin e Policisë Nr.1 bënë arrestimin në flagrancë të shtetasve:

I. P., 43 vjeç, pasi në objektin e tij, u konstatua se ka kryer punime ndërtimi pa leje;

A. A., 24 vjeç, pasi në mënyrë të vazhdueshme ka përndjekur ish të dashurën e tij.

Nga specialistët për Hetimin e Krimit në Komisariatit nr.5 u bë arrestimi në flagrancë i shtetasve S. M., 49 vjeç dhe E. M., 21 vjeç, dhe u referuan materialet në gjendje të lirë për shtetasit A. M., 20 vjeç dhe B. M., 16 vjeç, pasi gjatë një konflikti për motive të dobëta, kanë goditur me sende të forta shtetasit R. Xh., 22 vjeç, E. M., 20 vjeç dhe S. Gj., 53 vjeç.

Specialistët e Qarkullimit Rrugor bënë arrestimin në flagrancë të shtetasve:

S. B., 59 vjeç, A. L., 52 vjeç dhe Gj. B., 53 vjeç, pasi janë kapur duke drejtuar mjetet përkatëse në gjendje të dehur.

Më datë 19.07.2021, gjatë natës, në rrugën dytësore Durrës-Tiranë, një person ende i paidentifikuar ka vjedhur një shumë parash në firmën në pronësi të shtetasit H. M., 43 vjeç. Punohet për identifikimin dhe kapjen e autorit.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

Lexo gjithashtu

Sondazh

Poll