Ditën e sotme është zhvilluar seanca e radhës e gjyqit ndaj Izet Haxhisë.
Ky i fundit ka kërkuar që të dëshmojnë në gjyq Majlinda Popoviç dhe Fatos Klosi.
Sipas Izet Haxhisë, Azem Hajdari ka përdorur telefonin e Popoviç, 10 ditët e fundit para vrasjes. Në atë kohë, Majlinda Popoviç ka mbajtur postin e drejtoreshës së Telekomit në Shkodër.
Ndërkohë që Fatos Klosin ai e kërkon të dëshmojë si ish-zyrtar i SHISH, pasi ka pasur për detyrë që të ruajë Azem Hajdarin.
Pasi të merren adresat e sakta të tyre, vendimi për pranimin ose jo të këtyre dëshmitarëve do të jepet me 2 nëntor.