Gjykata Kushtetuese ka rrëzuar kërkesën e përfaqësuesit ligjor të presidentit Ilir Meta, Bledar Dervishaj për përjashtimin e gjyqtarëve.
Dervishaj ka kërkuar që disa gjyqtarë të tërhiqen pasi ka konflikt interesi, kërkesë që është quajtur nga Gjykata Kushtetuese e pabazë, kështu që asnjë gjyqatrë nuk hoqi dorë nga shqyrtimi i çështjes.
Vendimi i Kushtetueses për mosndryshimin e trupës gjykuese është marrë në mënyrë unanime.
Në këtë mënyrë është gjykuar e pabazuar kërkesa për përjashtimin e gjyqtarëve: Marsida Xhaferllari, Eksa Toska, Përparim Kalo, Sonila Bejtja dhe Altin Binaj.