Tirana
scattered clouds
14.5 ° C
14.5 °
14.5 °
94 %
1.5kmh
40 %
Die
23 °
Hën
24 °
Mar
23 °
Mër
23 °
Enj
24 °
E diel, 2 Tetor, 2022

Gjykata e Stokholmit vjen në Durrës, pyeten muxhahedinët për vrasjen e 30,000 të burgosurve politikë në Iran, i bëhet gjyqi ish-prokurorit

spot_img

Lajme të ngjashëm

Gjykata e Stokholmit, Suedi, do të zhvendoset për dy javë në qytetin e Durrësit. Ky është një zhvillim i rëndësishëm që ndodh në vendin tonë pasi gjyqtarët suedezë kanë vendosur të pyesin anëtarët e MEK në manëz për një nga ngjarjet më tronditëse të iranit, vrasjen e 30,000 muxhahedinëve.

Arrestimi në Suedi i një ish-prokurori, Hamid Nouri, i cili ka marrë pjesë direkt në vrasjet masive të vitit 1988 në Iran, ka bërë që të nisë një hetim ndërkombëtar për ekzekutimin e mijëra kundërshtarëve të regjimit të ish-udhëheqësit diktatorial Ruhollah Khomeini.

Gjykata suedeze që gjykon Nurin do të dëgjojë dëshminë e 7 anëtarëve të “Organizatës Muxhahedine të Popullit” të cilët ndodhen në kampin “Ashraf 3” në Manzë, pasi janë dëshmitarët kryesorë të masakrës.

Këta dëshmitarë kaluan shumë vite në burgje të ndryshme iraniane, veçanërisht në burgun e Gohardashtit dhe ishin dëshmitarë të krimeve të Hamid Nourit gjatë masakrës së vitit 1988. Gjykata shpjegoi se arsyet e zhvendosjes nga Suedia në Shqipëri janë për rëndësinë e veçantë të dëshmisë së këtyre shtatë personave në gjyq.

Ish-udhëheqësi i atëhershëm Ajatollah Khomeini mendonte se MEK ishte një kërcënim për regjimin. Muxhahedinët bënë thirrje për një Iran të lirë. Përgjigja e Khomeinit ishte nxjerrja e një “fetvaje” në 1988 për të çrrënjosur MEK-un dhe këdo që i mbështeti ata.

Regjimi donte të zhdukte një lëvizje duke zhdukur njerëzit e saj.

Të ashtuquajturat Komisionet e vdekjes shpesh shpenzonin më pak se dy minuta për të vendosur për fatin e qindra të burgosurve. I arrestuari në Suedi, ish-prokurori i Teheranit Hamid Nouri, ishte pjesë e grupit që ekzekutoi dënimet e komisionit të vdekjes, duke larguar individë nga salla e gjyqit për t’u varur menjëherë pas dënimit.

Në korrik 2016, Maryam Rajavi, presidentja e zgjedhur e Këshillit Kombëtar të Rezistencës së Iranit, u zotua të nisë një fushatë gjyqësore kundër autorëve. U mbajtën demonstrata dhe konferenca, u shkruan artikuj dhe filluan të publikohen raporte në media.

Në dhjetor 2018, pas 30 vitesh hetime, Amnesty International bëri publike rezultatet e saj, duke e quajtur masakrën një “krim të vazhdueshëm kundër njerëzimit”. Në dhjetor 2020, shtatë raportues specialë të OKB-së shpalosën një letër që i kishin shkruar regjimit iranian, duke thënë gjithashtu se masakra e vitit 1988 mund të përbënte “krim kundër njerëzimit”.

Hamid Nouri, ndihmës prokuror gjatë ekzekutimeve masive, u arrestua nga policia suedeze në nëntor 2019. Sipas rrëfimeve të shumta, ai kishte rrahur, torturuar dhe drejtuar të burgosurit politikë në trekëmbësh të varjes në vitin 1988, madje i kishte shkelmuar karriget nga poshtë këmbëve kur i kishin varur.

Pas 18 muajsh hetime, gjyqësori suedez hapi gjyqin e Hamid Noury ​​në gusht, dhe tashmë gjykata ëhstë zhvendosur dhe në Durrës, për të pyetur të mbijetuarit.

Më shumë


spot_img
spot_img

spot_img