Gjykata e Posaçme kundër Korrupsionit dhe Krimit të Organizuar, pritet të vendosë sot për lejimin ose jo të arrestimit të ish-kryeministrit Sali Berisha. SPAK ka kërkuar për këtë të fundit ndryshimin e masës së sigurisë nga "Detyrim paraqitje" në "Arrest shtëpi" dhe mbikëqyrje me polici.
Kërkesa për ashpërsimin e vendimit erdhi pasi ish-kryeministri refuzoi disa herë që të paraqitej para togave të zeza, duke detyruar prokurorët të kërkonin ndryshimin e masës së sigurisë.
Vendimi për Sali Berishën është shtyrë për tre herë me radhë, për shkak të hapësirave ligjore që kanë shfrytëzuar dy avokatët e tij, Genc Gjokutaj dhe Sokol Mëngjesi. Ata kanë kërkuar në vazhdimësi përjashtimin e gjyqtares Irena Gjoka, duke këmbëngulur në idenë e konfliktit të interesit.
Mirëpo, kur kërkesa e parë është rrëzuar nga gjyqtarja e posaçme Rudina Palloj, dy avokatët paralajmëruan se do të dërgonin një kërkesë të re përjashtimi në Sekretari.
Afati treditor ka përfunduar dje dhe deri në orën 16.00 në Gjykatën e Posaçme nuk u depozitua asnjë kërkesë e re për përjashtimin e Irena Gjokës nga gjyqi i Berishës. Kjo gjë e konfirmuar edhe nga zyra e shtypit të Gjykatës së Posaçme, e cila ka pranuar se nuk iu ka shkuar asnjë kërkesë me shkrim për përjashtimin e gjyqtares.
Mesditën e kësaj të shtune, datë 30 Dhetor pritet që Gjykata e Posaçme të japë vendimin final për izolimin e Sali Berishës në shtëpi. Sipas parashikimeve ligjore, atij nuk i lejohet të komunikojë me persona të tjerë që nuk janë familjarë të tij dhe që nuk jetojnë me të në shtëpi.
Ish-kryeministri Sali Berisha e cilëson procesin të orkestruar nga Edi Rama dhe regjimi i tij, siç e quan ai, por ka këmbëngulur se kjo betejë që synon ta nxjerrë nga politika aktive vetëm sa do ë bëjë më të fortë.
Akuza penale e SPAK pwr Sali Berishën:
- Nga shtetasi Sali Berisha, është konsumuar vepra penale e “Korrupsionit pasiv të funksionarëve të lartë shtetërore ose të zgjedhurve vendorë”, kryer në bashkëpunim me shtetasin J. M., parashikuar nga neni 260 e 25 i Kodit Penal.
- Nga ana e shtetasit Sali Berisha, në cilësinë e tij si Kryeministër i Republikës së Shqipërisë, jane kryer veprime konkrete dhe aktive, në miratim ligjesh apo aktesh nënligjore, me qëllim përshtatjen e tyre sipas nevojave që paraqiteshin për pesë familjet e njohura pronare, ku fitues i drejtëpërdrejtë ndër të tjerë, rezultonte të ishte bashkëshorti i vajzës së tij, shtetasi Jamarbwr Malltezi.
- Nga ana e shtetasit Sali Berisha, në cilësinë e tij si Kryeministër i Republikës së Shqipërisë, janë kryer veprime aktive për kryerjen e kontrolleve administrative, me qëllimin e ushtrimit të presionit dhe dhënien e urdhërave konkrete, për konkludimin e procedurave të privatizimit, në favor ndër të tjerë, edhe të shtetasit Jamarbwr Malltezi, bashkëshorti i vajzës së tij.
- Nga ana e shtetasit Sali Berisha, në cilësinë e tij si Kryeministër i Republikës së Shqipërisë, janë kryer veprime aktive në vendosjen në dispozicion të shtetasit Jamarbwr Malltezi, bashkëshorti i vajzës së tij, të strukturave të ndryshme të administrates shtetërore për realizimin e procesit të privatizimit të pronës shtetërore.
Prokuroria e Posaçme kundër Korrupsionit dhe Krimit të Organizuar Tiranë, ka vijuar hetimet në kuadër të procedimit penal nr. 287 të vitit 2020, të regjistruar për veprat penale të “Korrupsionit pasiv të funksionarëve të lartë shtetërorë ose të zgjedhurve vendorë” kryer në bashkëpunim, “Korrupsionit aktiv të funksionarëve të lartë ose të zgjedhurve vendorë” dhe “Pastrimi i produkteve të veprës penale apo veprimtarisë kriminale”, kryer në bashkëpunim, parashikuar nga nenet 260 e 25, 245 e 287 paragrafi i dytë i Kodit Penal.
Objekti i hetimit të këtij procedimi penal, janë veprimet e kryera nga funksionarë të lartë shtetërorë dhe persona të tjerë, për privatizimin e terreneve dhe objekteve sportive të “Klubit të Futbollit Partizani” dhe “Klubit Shumësportësh Partizani”.
Sondazh
Lexo gjithashtu
