Deputeti socialist Damian Gjiknuri thotë se edhe hapja 100% e listave është e mundur.
Pas mbledhjes së Këshillit Politik, Gjiknuri u shpreh se është kërkuar ekspertizë për të parë se cili vend e ka aktualisht sistemin zgjedhor propocional rajonal me lista të hapura, dhe koalicionet siç janë aktualisht në Shqipëri.
Sa i përket çështjes së hapjes së listave dhe koalicionet, Gjiknuri tha se mund të rregullohen në kodin zgjedhor pas votimit të ndryshimeve kushtetuese në parlament.
Pjesë nga fjala e Gjiknurit:
Një gjë është për t’u përshëndetur, që risitë kushtetuese janë gjetur me vend edhe nga opozita jashtëparlamentare. Ata mbështesin hapjen e listave. Ka rëndësi që PD dhe opozita u kthye në tavolinë, fatkeqësisht duke humbur kohë, sepse kanë një muaj që kundërshtojnë një iniciativë për hapjen e listave. Së pari mundësojmë hapjen e listës, dhe së dyti çështja e aleancave, janë gjëra që do të rregullohen në kodin zgjedhor. Jemi të gatshëm t’i detajojmë të gjitha këto rregulla. Hapja e listave ka sfida të mëdha aministrative, kërkuam edhe ekspertizë, le të gjejmë modele të vendeve të tjera që kanë lista të hapura proporcional rajonal, dhe që kanë koalicionet siç i kemi ne tani. Në momentin kur miratohen ndryshimet kushtetuese, hajde të ulemi e ti zbërthejmë. Gjithçka është e mundur, edhe hapja e 100% e listave.