Kreu i Bindjes Demokratike Astrit Patozi ka ironizuar Partinë Socialiste me frazën "O sa mirë me qenë 'Rilindas'".
Përmes një statusi në 'Facebook', Patozi ka permendur dy shembuj, ku është kërkuar falje si Gjermania që vijon ende për krimet e Hitlerit dhe Franca gjatë ditës së sotme për ngatërrimin e himnit shqiptar.
Ndërkohë Patozi deklaron se për Shqipërinë nuk ekziston diçka e tillë, pasi edhe në rastet kur përfaqësues të lartë politikë rezultojnë të përfshirë në krime apo trafiqe, 'Rilindja' e quan përgjegjësi individuale.
Statusi i plotë:
OH SA MIRË ME QENË "RILINDAS"...
1-Gjermania vijon të kërkojë falje per krimet e Hitlerit, ndonëse po mbushen 75 vjet që nga përfundimi i Luftës së Dytë Botërore. Rasti më i fundit ishte vizita e Presidentit Frank-Ëalter Steinmeier në Poloni.
2-Franca kërkon ndjesë të thellë, vetëm pse Federata e saj e Futbollit ngatërron himnin e një vendi tjetër gjatë zhvillimit të një ndeshjeje ndërkombëtare në Paris. Dhe për këtë investohet direkt presidenti i vendit, Emmanuel Macron. Rasti është shumë i freskët për çdo shqiptar, sepse ka të bëjë me incidentin e mbrëmshëm në Stade de France.
3-Ndērsa në Shqipëri, "Rilindja" thotë se është thjesht përgjegjësi individuale, sa herë që dikush nga përfaqësuesit e saj të lartë politikë rezulton si i përfshirë në trafiqe apo krime të tjera të rënda në vitet e fundit.