Një 65-vjeçar është gjetur i pajetë në zonën e Kavalishencës në qytetin e Pogradecit.
Sipas informacioneve të para nga policia që ka këqyrur trupin paraprakisht nuk rezulton të ketë shenja dhune në trup, por dyshohet se ishte i alkoolizuar.
Policia paraprakisht dyshon se 65-vjeçari, Minir Berberi ka ndërruar jetë për shkaqe natyrale ndërkohë që do jetë ekspertiza mjekoligjore ajo që do të përcaktojë shkakun e vdekjes. Sipas uniformave blu viktima jetonte vetëm dhe njihej si përdorues i alkoolit.
Njoftimi i policisë:
Pogradec/Informacion paraprak
Pasditen e sotme, tek vendi i quajtur “Kovalishenca”, në Pogradec, është gjetur pa shenja jete dhe pa shenja dhune shtetasi M. B., 65 vjeç. Nga të dhënat e para dyshohet se ky shtetas ka humbur jetën për shkaqe natyrale.
Grupi hetimor po punon për përcaktimin e shkaqeve të vdekjes dhe zbardhjen e rrethanave të ngjarjes.
