Një trup i pajetë është gjetur ditën e sotme në fshatin Lajthizë të Fushë Arrëzit.
Trupi është vënë re nga banorët të cilët kanë njoftuar menjëherë policinë.
Paraprakisht dyshohet se mund t’i përkasë 54-vjeçarit Idriz Ahmetaj nga Puka, ish punonjës i mirëmbajtjes i humur rreth 3 muaj më parë.
Djali i tij ka denoncuar zhdukjen e të atit disa kohë më parë në media, por pavarësisht kërkimeve nga policia dhe nga vetë familjarët nuk është mundur të gjendet ende.
Sakaq, policia e Pukës është nisur drejt vendit të ngjarjes.