Gjendet pas disa orësh automjeti i vjedhur në Durrës. Policia bën të ditur se menjëherë pas njoftimit se ishte vjedhur një mjet tip "GLK" dhe dyshohej të vinte drejt Lezhës, vijuan operacionin duke bërë të mundur lokalizimin e automjetit në aksin rrugor "Thumanë - Milot", pranë fshatit Gjormë.
Drejtuesi i cili kishte vjedhur “GLK” sapo ka parë Policinë është larguar me shpejtësi në drejtim të paditur. Blutë e qytetit bregdetar po punojnë për kapjen e autorit dhe zbardhjen e plotë të ngjarjes.
Njoftimi i plotë i policisë:
Kurbin/Gjendet pas disa orësh automjeti i vjedhur në Durrës.
Gjetja e automjetit, rezultat i koordinimit të informacioneve dhe veprimeve ndërmjet Policisë Rrugore të Lezhës dhe Policisë së Durrësit.
Menjëherë pas njoftimit të marrë se në Durrës sapo ishte vjedhur një automjet tip "GLK" dhe dyshohej të vinte drejt Lezhës, shërbimet e Policisë Lezhë kanë intensifikuar kontrollet e monitorimet, me qëllim lokalizimin dhe ndalimin e këtij automjeti.
Si rezultat, në aksin rrugor "Thumanë - Milot", në fshatin Gjormë, nga shërbimet e Policisë Rrugore Lezhë, me përdorimin edhe të makinës inteligjente, është konstatuar automjeti i vjedhur. Drejtuesi i mjetit, në momentin që ka parë shërbimet e policisë, ka devijuar rrugën në tentativë për tu larguar bashkë me automjetin, por nuk ka mundur dhe në këto kushte, duke shfytëzuar edhe përfituar nga errësira e natës, ka braktisur mjetin dhe është larguar me vrap.
Vijon bashkëpunimi i ngushtë me strukturat hetimore të DVP Durrës me qëllim kapjen e autorit dhe zbardhjen e dokumentimin e plotë ligjor të ngjarjes.
Sondazh
Lexo gjithashtu
