Gjatë ditës së sotme u mbajt seanca e radhës për dosjen 184 në Gjykatën e Dibrës.
Por ndërkohë që po zhvillohej gjyqi, makina e një prej avokatëve të të pandehurve e ka pësuar nga akulli në rrugë.
Siç shihet edhe nga pamjet e siguruara nga Fax Web, një copë e madhe akulli është shkëputur nga ndërtesa dhe ka rënë mbi automjetin e një nga avokatëve e të pandehurve duke i thyer xhamin e pasmë.
Seanca për dosjen 184 është shtyrë për të dytën herë.
Në Gjykatë të pandehur nga Prokuroria janë marrë 4 persona, shtetasit: Robert Aga, Drini Gjeci, Nuri Meta dhe Hasan Hioti. Këta të fundit akuzohen për dy vepra penale “Shpërdorim detyre” dhe “Kanosje e zgjedhësve”.
Sipas Prokurorisë, ata dyshohet se janë përfshirë në skandalin për blerjen e votave në zgjedhjet lokale të vitit 2016.
Ndërkohë, organi i akuzës ka kërkuar të pushohen hetimet për kryebashkiakun socialist të Dibrës Dionis Imeraj, biznesmenin Imer Lala (babai i deputetes Reme Lala), Arben Keshin, Bekim Krashin dhe Afrim Milkin.
Të pandehurit gjatë periudhës së zgjedhjeve kanë qenë me detyrë: Robert Aga ish-shef komisariati me Dibër, akuzuar për shpërdorim detyre, Drini Gjeci ish drejtor i arsimit, akuzuar për shpërdorim detyre dhe kanosje të zgjedhësve, Nuri Meda zyrtar në njësinë administrative Tomin akuzuar për shpërdorim detyre dhe Hasan Hoti, njësia administrative Lurë akuzuar për kanosje të zgjedhësve.