Një takim i drejtuesit të policisë së Shkodrës me autoritete belge, zhvilluar pak ditë më parë, duket se ka shpëtuar nga vëmendja e medias. Por, numri një i policisë së qarkut të Shkodrës, Shaban Nexhi, ndoshta i paudhëzuar nga Ministria e Brendshme, duket se ka bërë një “gafë”. Meqënëse problemi i azilkërkuesve, për Belgjikën, është kthyer në një problem, këta të fundit kanë kërkuar ndihmën e autoriteteteve shqiptare,
“Në rast të shqyrtimit të vërtetimeve me bazë gjakmarrjen, vërtetimet të merren në rrugë zyrtare nga institucionet shqiptare, e të mos pranohen të sjella dorazi nga aplikuesit” ka thënë drejtori i Policisë Shaban Nexhi, siç raporton gazeta “Panorama”.
Ajo që ndoshta duhet të na sqarojë ministria e Brendshme, është se cili institucion shqiptar jep një vërtetim për gjakmarrjen, në rrugë zyrtare. Kjo do të thotë se ministria e pranon fenomenin e njerëzve që janë në gjak, dhe nuk ka forcë ligjore e zbatuese për të nxjerrë njerëzit e ngujuar. Nëse ndodh kjo, është hera e parë që strukturat e pranojnë një gjë të tillë.