Rusia lëshoi në orët e para të mëngjesit të sotëm raketat mbi kryeqytetin Kiev dhe qytetet e tjera të vendit. Qytetarët ukrainas kanë filluar masivisht të largohen nga kryeqyteti për shkak të frikës nga lufta, duke krijuar radhë të gjata mjetesh dhe shumë prej tyre janë larguar në Poloni.
Një gazetare ukrainase shprehet e revoltuar me perëndimin pasi këta të fundit kanë paralajmëruar presidentin rus Vladimir Putin për sanksione të ashpra, si një ndëshkim për agresionin ndaj Ukrainës. Ajo thotë pse nuk po vepron tashmë perëndimi, ku ndërkohë Rusia ka 9 orë që po i sulmon.
“Ku dreqin janë “sanksionet e menjëhershme”, kemi 9 orë që na sulmon Rusia nga çdo anë”, shkruan gazetarja Toma Istomina në Twitter.