Kryeministri i Kosovës, Albin Kurti ka votuar mëngjesin e sotëm në një qendër votimi në njësinë nr.5 në Tiranë duke qenë se është i pajisur me pasaportë shqiptare.
Ky veprim i Kurtit është kritikuar së tepërmi pasi e kanë cilësuar si populist dhe të panevojshëm. I të njejtit mendim është edhe gazetarja e njohur kosovare Arbana Xharra.
Ajo thotë se votimi i Kurtit është një “show qesharak”, ndërkohë që në Kosovë çdo ditë vdesin njerëz nga Covid.
“Ai nuk është votuar që të rregullojë çështjet e Shqipërisë”, shkruan gazetarja.
Shëimi i plotë
Kryeministri i Kosoves perfaqeson te gjithe qytetaret pa dallim orjentimi politik, marrja pjese ne votime ne Shqiperi eshte nje show popullist qe ne keto kohera shihet me shume me nje konotacion qesharak, sado i rrezikshem per krijimin e percarjes politike. Albin Kurti nuk eshte votu per me rregullu ceshtjet e Shqiperise, a ka inate a jo me Edi Ramen nuk guxon me i shfrytezu votat e Kosoves per agjende te tij personale. Nderkohe qe ne Kosove cdo dite vdesin qytetare nga Covidi, nuk eshte as rendi i vaksinimit, Kurti shkon me marre poza para kamerave ne Tirane.